Libreng sakay sa bus dili pa ibalik

13

Davao City – Wala pay plano ang City Government of Davao nga ibalik ang libreng sakay sa bus sa dakbayan.

Matud ni Davao City Mayor Sara Duterte-Carpio (sa interbyu sa city-owned radio) nga wala pa nila nadesisyonan ang pagbalik sa libreng sakay sa tumong nga matabangan ang mga Public Utility Vehicle (PUV) drivers sama sa habal-habal, jeep, taxi, van ug bus alang sa ilang panginabuhian.


Gipasabot ni Mayor Sara nga mahimong kumpetensya sa mga PUVs kung padaganon sa lokal nga gobyerno ang maong libreng sakyanan.

“Sa pagkakaron, wala ‘tay discussion nga ibalik ang free bus ride sa City Government of Davao because we are trying to help our Public Utility Vehicle (PUV) sector. Kini man gong libre (nga sakay) nato sa city government will compete sa ilahang pangita,” segun sa alkalde.

Nasayrang adunay mga Davaoeños nga nanawagan nga ibalik ang libreng sakay aron usab nga makatipid sa pamasahe ang mga pasaherong labing naapektuhan sa Coronavirus Disease 2019 (COVID-19) pandemic.

RadyoMaN Kirby Manzon



Facebook Comments