Libreng sakay sa mga RadyoMaN sa RMN-DXPR Pagadian, ni-arangkada na

Pagadian city – Mi-arangkada na ang Libreng Sakay nga ipahigayon sa mga RadyoMan sa RMN-DXPR Pagadian uban sa kadumalahan sa Pagadian City Traffic Management Unit isip kabahin sa paghandom sa adlaw sa mga santos ug minatay.
Alas 6:00 kaganihang buntag nagsugod ang libreng sakay diin nakabenipisyo ang katawahan nga moduaw sa lubong sa ilang minahal sa kinabuhi.
Sugod sa entrada nga bahin sa menteryo ihatod kini sila paingon sa gawas nga bahin sa public cemetery nga nakabase sa Brgy. Sta. Maria ning syudad.
Dako ang pasalamat ni Engr. Elmer Pranza ang hepe sa CTMO, sa inisyatibo nga gihimo sa kadumalahan sa RMN-DXPR Pagadian.
Mahinumduman nga ang libreng sakay tinuig nga gipatuman sa kagamhanan nga lokal sa syudad apan karon ang unang higayon nga nisalmot ang RMN DXPR Pagadian isip kabahin sa tinuoray nga pag-alagad sa katawhan.

Facebook Comments