Sa interview sa RMN Malaybalay ngadto kang Dr. Edmundo Garcia, Chief sa BPH-Maramag, gibutyag niya nga gipaluyuhan ang maong libreng surgical operation sa World Surgical Foundation pinangunahan ni President Dr. Lesla Suntay ug gi-sponsoran sa Senators Spouses Foundation.
Una matud pang ipahigayon ang libreng surgical operation sa Bukidnon Provincial Medical Center (BPMC) sa umaabot Marso 9 hangtud 12 diin mapahimuslan sa katawhan sa una, ikaduha, ug ikaupat nga distrito sa Bukidnon.
Samtang ang mga taga 3rd District mamahimong muadto sa BPH-Maramag sa umaabot Marso 14 hangtud 17.
Kasamtangang ginapahigayon sumala pa ang screening sa BPH-Maramag aron nga maprioritize katong gikinahanglan na gayud og operasyon.
Sa karon, anaa na matud pa sa 80 ang mga major nga mga kaso nga nadawatan sa buhatan alang sa surgical operation ug sa karon mga minor cases nalang ang ilang ginapangdawat alang sa operasyon.
