Pagadian City – Gikalipay sa kagamhanang lokal dinhi sa syudad sa Pagadian ang Free Wifi For all Project sa Department of Information and Communications Technology (DICT).
Tinambungan sa mga personahe sa DICT, mga head of offices, mga opisyales, empleyado sa kagamhanang lokal pinanguluhan ni Mayor Sammy Co, nasaksihan sa publiko ang pagbuhi sa libreng wifi alang sa tanan.
Namahayag si DICT Regional Director Ma. Theresa Camba nga ania nay 11 ka mga wifi sites dinhi sa syudad. Lakip niini ang Rizal Park, DICT provincial field office, pipila ka mga tulunghaan dinhi sa syudad, health center, airport, Sangguniang Panlungsod ug ang Provincial Capitol.
Malipayon usab nga gianunsyo sa regional director nga sa dili pa matapos karong tuiga, igadugang sa ilang buhatan ang 30 ka mga internet sites diin 17 niini ang ikutay sa mga pampublikong tulunghaan sa elementarya, 6 sa pampublikong tulunghaan sa highschool, anaa usab sa plaza, rural health unit, state universities and colleges ug dugang access points sa airport.
Samtang mapasalamaton si Mayor Co nga usa ang syudad sa Pagadian sa nahimong priority nga mahatagan sa libreng Wifi.
