General Santos City–Patong patong nga kaso ang atubangon sa usa ka 18 anyos nga gika-ingong lider sa mga “Batang Sukarap” human nga masikop sa operatiba sa Police Station 6 nga nag hit-hit ug solvent sa Santiago Blvd Cor. Kadulasan Street., Barangay Lagao, Gensan alas 11:00 sa udto.
Giila ni PCI Donald Cabigas, hepe sa Police Station 6 ang suspect nga usa ka Jiboy Cardero, 18 anyos ug nanimuyo sa Purok Pearly Shell, Barangay Bula.
Sumala pa ni PCI Cabigas nga sa dihang nakita kini nga naga-simhot ug solvent gisita kini sa kapulian apan misuway pa ug sibat apan naabtan gihapon, misuway pa ug sukol ang suspect pinaagi sa pagpabuto sa iyahang dala nga sumpak apan swerte matud pa nga wala kini mibuto.
Narecover sa posisisyon sa nasangpit nga suspect ang usa ka sumpak ug solvent nga maoy gisimhot-simhot niini.
Dihang pagkapkapan ang lawas sa nasangpit nakuhaan pa kini ug usa ka sachet sa gituohang shabu.
Sa karon ginasuta pa sa kapulisan kung aduna bay laing kauban ang nasangpit nga suspect nga naga-tambayan sa maong area nga naga hit-hit ug solvent. (Dave Silagan)
