Roxas City, Capiz- Isa ka poluy-an sa Brgy Bolo Roxas City ang ginsulod sang kawatan.
Suno sa 29-anyos nga tagreklamo, sang nakaligad nga Oktubre 31 nagpadulong ang mga ini sa ila minatay sa banwa sang President Roxas agud nga magsindi sang kandila. Didto ang mga ini nagtener sa ila pamilya kag sang nakaligad lamang nga petsa dos sang Nobyembre nagbalik diri sa syudad sang Roxas.
Apang tuman ang kakibot sang mga ini sang madiskubrehan nga ginsulod sang wala makilala nga kawatan ang ila nga panimalay pinaage sa pagwasak sang duha ka mga bintana.
Sa ginpatigayon nga imbentaryo sa mga kagamitan, kalakip sa mga nadula amu ang grocery nga nagabalor sang P1500 pesos, component, computer, nebulizer, mga cellphone, calculator, microphone. Sa pangkabug-osan ini ang nagabalor sang P48, 150 pesos.
Pati ang pagkaon ang ginpasilabtan sang mga kawatan. Ginapatihan nga indi lamang isa ang may kahimuan sa amu nga insidente. padayon pa ang imbestigasyon sang mga kapulisan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
