Lider sang mga TODA sa pungsod, pabuligon naman sa pagpatuman sang minimum health protocols!

Roxas City, Capiz – Pagahimuon ang mga lider sang mga Transport Operators and Drivers Association (TODA) sa pungsod nga mangin katuwang sang Philippine National Police sa pagpatuman sang minimum health protocols.
Sa interview kay Joint Task Force Covid Shield Commander Police Lt. Gen. Guillermo Eleazar, ang tikang ang kabahin sang second phase sang national action plan sang Inter-Agency Task Force on Emerging Infectious Diseases.
Suno kay Eleazar, mangin responsibilidad sang mga lider ukon presidente sang TODA nga siguraduhon ang minimum health protocols kaangay sang pagsuksok sang face mask kag face shield subong man pag-obserbar sang social distancing sa tanan nga oras sa ila mga miyembro.