ILOILO City – Apesar utod ang tu-o nga butkon, ‘Life must go on’ para kay Benjie Hualde, umpire sang baseball sa nagapadayon nga Western Visayas Regional Athletic Association (WVRAA) Meet 2018.
Si Benjie ang nagatudlo sang MAPEH sa Cabatuan National Comprehensive High School.
Naggradwar ini sa Central Philippine University (CPU) sa kurso nga Bachelor of Science in Secondary Education Major in MAPEH.
Sa panaysayon ni Benjie, nautod ang iya butkon sadtong 1996 antes pa siya nag-eskwela sa kolehiyo bangod sa isa ka vehicular accident.
Subong man, ang natabo kag ang kahimtangan ni Benjie nga utod ang butkon, wala nakapugong sa iya nga magpadayon.
Sa pihak sang natabo, padayon si Benjie sa iya hilig sa patag sang sports.
Facebook Comments
