Ligid nga mibuto, rason sa bangga sa 2 ka van sa Mawab

Davao City – Gibutyag sa Mawab Municipal Police Station (MPS) nga ang pagboto sa ligid sa sakyanan ang posibleng hinungdan sa pagbangga sa duha ka pampasaheroang van sa Kilometer 66, National Highway, Tuboran, Mawab, Davao de Oro alas 5:55 sa hapon, Lunes, Hulyo 10, 2023.

Sa interbyu sa DXDC RMN Davao kang Police Major Marion Sibayan, Acting Chief of Police sa Mawab MPS, iyang giila ang driver sa Nissan van mao si Randy Morales Enguito nga gikan Surigao del Sur padulong Tagum City, Davao del Norte, sakay ang usa (1) ka pasahero.

Samtang, ang Toyota Hiace, gimaneho ni Roani Taglucop, gikan Tagum City padulong Nabunturan, Davao de Oro, sakay ang siyam (9) ka pasahero.

Sa imbestigasyon, miboto ang tuong ligid sa atubangan sa van nga padulong Tagum,s rason sa kalit nga pagsarasay niini pikas lane ug pagkabangga sa laing van, diin nakahiagom og injuries ang mga pasahero.

“As a result, both sides naka-sustain ng injury. As of now, ongoing pa ‘yung investigation then ang ibang involved dito na personality (victims) nasa ospital pa yung iba,” matud sa pulis.

Sa pagkakaron, wala pay detalye kung unsa ang mamahimong kasabutan sa duha ka kampo.

Padayon ang pagpahimangno sa awtoridad sa mga motorista nga siguradohong ma-check ang kodisyon sa sakyanan aya mubiyahe aron malikayan ang maong mga insidente.

RadyoMaN Kirby Manzon