Mukabat sa kapin usa ka milyon ka pesos nga kantidad sa kwarta ang nadagit sa mga kawatan human giransak ang usa ka establisyemento partikular didto sa Purok-5A, Barangay Sinangguyan, Don Carlos, Bukidnon.
Sumala sa manager sa kompanyang CMSR Trading nga giilang si Jaime Pilar, 40 anyos, pasado alas 7 sa buntag adtong Lunes, namatikdan nalang niini nga naguba ang dingding sa ilang opisina nga ginama sa plywood ug didto nasuta nga nawala na ang vault nga gisudlan sa salaping cash nga mukabat sa P1,200,000.00.
Pagsusi sa kapulisan sa CCTV Footage sa maong establisyemento, nadiskobrehan nga duha ka mga gikaingong suspek ang nanglungkab niini ug gidagit ang maong kantidad sa kwarta.
Padayon karon ang imbestigasyon nga ginahimo sa mga kapulisan ilabi na pag-ila sa mga suspek sa pagpangawat.
Facebook Comments
