Roxas City, Capiz – Mas labi pa nga pasangkaron sang kapulisan sa Capiz ang seguridad may kaangot sa pagbukas sang klase sa maabot nga Hunyo 4, 2018.
May kaangot sini, isa ka taskgroup nga ginatawag “Ligtas Balik- Eskwela 2018” ang gintukod sang Capiz Police Provincial Office(CPPO) kapartner ang Department of Education (DepEd), mga Local Government Units (LGUs) akag iban pa nga mga ahensiya sang gobyerno.
Ginasigahom man nga bangod sini, mangin safe kag secure ang mga studyante, mga manunudlo, ginikanan kag iban pa nga imbolbado sa enrollment kag opening sang klase.
Ginsiling ni CPPO Provincial Director Senior Supt. Samuel Nacion, nga may yara man sang igapahamtang nga Police Assistance Desks sa tagsa ka mga boluthoan sa bilog nga probinsya sa diin mangin kapartner man sang iga-deploy nga PNP personnel ang mga BPATs.
Mas man nga pasangkaron ang mobile kag foot patrols sa mga mayor nga mga ruta padulong sa mga eskwelahan agud nga mapunggan ang iban nga mga kriminalidad.
Maluwas diri, kalakip man sa pahamtangan sang pwersa sang pulis amo ang mga malls, terminals, airport kag seaports sa Roxas City.
-via CPPO PCR
