Candoni – Isa ang patay kag tatlo ang pilason matapos nagbunggo-anay ang duha ka motorsiklo pasado alas 10.30 kaina sang aga sa Barangay Banga.
Ang biktima nga ginbawian sang iya kabuhi ang ginkilala kay Totsie Enesira, 65 anyos may asawa kag residente sang amu nga lugar.
Samtang isa sa tatlo ka mga pilason nga nagaangkasanay sa motorsiklo amo si John Mark Valenciano, bata ni Barangay Kapitan Macoy Valenciano, sang Barangay Balicotoc, pakaisa sini lakip ang ila abyan.
Nahibaluan nga paguwa sa ila balay si Enesira sakay sa iya motorsiklo apang nagabalang baling ini deretso sa nagapadulong ang motorsiklo.
Ang mga biktima ang gindala sa Kabankalan City District Hospital samtang ang bangkay ni Totsie Enesira ang yara nahaya sa Candoni Infirmary.
