Naka alerto sa kanunay ang kapulisan dinhi sa dakbayan sa Dipolog, dili lang diri sa sentrong bahin kundili sa tibuok probinsya sa Zamboanga del norte may kalabot kini sa Summer Security Plan o “Ligtas SUMVAC 2018” nagsugod kini niadtong katapusang semana sa bulan sa Marso.
Ang kapulisan sa matag lungsod ning probinsya nagbutang na ug mga Tarpulin sa ilang tagsa-tagsa ka mga area of responsibility.
Samtang ang Zamboanga del norte Police Provincial Office sa pagpangulo sa bag-ong acting provincial director nga si PSSUPT Michael Bernabe Macapagal nagbutang usab ug mga tarpaulin sa pampublikong lugar nga mao ang LIGTAS SUMVAC 2018, “ Stress-free sa bakasyon para sa mamamayan serbisyo ng kapulisan”. Tumong niini mao ang paghatag ug pahinumdom ngadto sa matag indibidwal.
Matod pa ni PNP Chief Ronald Bato Dela Rosa 90 diyas kini nga security plan gikan sa katapusang semana sa Marso hangtod sa ikaduhang semana sa bulan sa Hunyo, aron masiguro ug luwas ang summer holiday season.
Samtang, makita usab sa kadalanan dinhi sa Zamboanga del norte ang Oplan Bantay-Lakbay Police Assistance Centers.
Dugang pa niini makita usab ang presensya sa kapulisan sa pantalan, tugpahanan ug mga terminal sa bus aron sa pagbantay sa kahapsay ug kalinaw.
Ang ligtas SUMVAC 2018 nagsugod kini gikan sa Semana Santa ug pagsira sa klase karon nga bulan, hangtod kini sa pista ug flores de mayo ug mo uswag pa kini hangtod pag abli sa klase karong bulan sa hunyo, kini ang gibutyag sa kapulisan ning probinsya.
Nagpahinumdom usab ang PNP sa publiko nga magpabiling magbinantayon ug ila usab gisiguro nga adunay mga naka standby nga unit sa pulis aron dali maka responde kung adunay mga panghitabo.
Aron nga dali maka responde ang mga pulis, ilang gi awhag ang katawhan dinhi sa Zamboanga del norte nga gilayong mo kontak sa hotline number 911 ug sa Patrol 117 alang sa hinanaling aksyon.
