Davao City – Magpahigayon og lihok protesta ang mga progresibong grupo sa syudad sa Davao atol sa ika tulong hugna sa State of the Nation Address kun SONA ni Presidente Rodrigo Duterte karong umaabot nga adlawng Lunes, Hulyo 23, 2018.
Sa pakighinabi sa DXDC RMN Davao kang Kilusang Mayo Uno kun KMU XI head Carlo Olalo, magsugod ang ilang himuong programa ala 1 sa hapon sa nasangpit nga adlaw sa Freedom Park ning dakbayan diin ginapangandaman na usab nila ang effigy sa pangulo.
Dugang niya nga paminawun nila ang speech sa pamuno-nasud og muhatag og sila og reaksyon inig human niini diin ilang ginalauman nga pagahisgutan sa pangulo ang build build build program, usbaw sa suhulan nga mga programang pabor sa mga pilipinong nanginahanglan.
Human sa aktibidad sa maong parke, matud pa nga magmartsa usab sila padulong sa San Pedro St. aron didto tapuson ang ilang programa apan ilang gipaniguro nga hapsay apan giingong militantia ang pagahimuong aktbidad nga pagasalmutan sa gibana-banaang dos mil ka mga indibidwal.
Subay sa maong aktibidad, maximum tolerance ang ipatuman sa kapulisan diin kini gibutyag ni Police Regional Office kun PRO XI spokesperson PCI Milgrace Driz aron masiguro ang seguridad sa mga dabawenyo ingon man sa mga militante ug mahimomg malinawon ang SONA sa pamuno-nasud.
RadyoMaN Renz Barbarona
