Lima arestado gapahibag damang sa Talisay

TALISAY CITY, NEGROS OCCIDENTAL – Lima ka mga persona ang gin-aresto matapos nadakpan sa akto nga nagahampang sang “pahibag damang” sa Brgy. Matab-ang, Talisay City may mga las 2:10 kahapon sang hapon.

Nakilala ang mga gindakup nga amo sanday Erwin Aligada, 33 anyos, Alfredo Desaca, 45 anyos lunsay pumuluyo sang Catabla Baybay, Brgy. Zone 3, Talisay, Wistons Deboya, 25 anyos, residente sang Purok Pine Tree, Brgy. Bata, Ed Clinton Malunes, 20 anyos sang Had. Minolu-an, Brgy. Matab-ang Talisay City kag isa ka 17 anyos nga menor edad, pumuluyo sang Brgy. Bata.

Ang mga suspek nadakpan sa ginpatigayon nga anti-illegal gambling operation sang Talisay City Police Station.


Nakuha sa mga suspek ang duha ka damang, anum ka kaha nga suludlan sang damang, isa ka wooden stick kag bet money nga kapin P1,050 pesos./Facebook post photo/ Not the actual photo

Facebook Comments