General Santos City— Dakpan sa gipahigayong sunod-sunod nga buybust operation sa kapulisan ang lima katao kung asa target ang usa ka Toerodorico Zamora, 28 anyos nga residente sa Camella Homes.
Sumala kang Police Chief Inspector Joel Martinez, hepe sa Police Station 4 nga pasado 11 ang takna sa gabii dihang gihimo ang operasyon sa panimalay sa suspek.
Kung asa d.i listed matud pa ang nahisgutan ug dugay na kining lambigit sa illegal nga droga apan karon lang napahigayunan ug operasyon.
Dugang pamahayag ni PCI Martinez nga lakip nga nadkapan ang mga kaubanan ni Zamora nga silang Aeros Miller, 28 anyos, Philip Ceaser Paroni 26 anyos ug Edward Tagle, 19 anyos.
Kung asa naaktuhan matud pa nga sila nag-pot session. Atol sa gipahigayong imbestigasyon migawas ang pangalan sa usa ka John Panes, 29 anyos nga taga Lacap Subd. Brgy. San Isidro ning dakbayan.
Rason nga nagpahigayon ug follow-up operation ug malampuson kining nadakpan sa iyahang panimalay.
Kalabot niini, gibutyag ni PCI Martinez nga nakuha gikan sa posisyon sa mga suspek ang duha ka sachet sa gituuhang shabu kantidad 8mil ka pesos.
Sa kasamtangan ang mga dinakpan ang balhog na sa lock-up cell sa Police Station 4 ug ginahikay na ang tukmang kaso batok kanila.
