General Santos City— Gilaumang mahidangat sa dakbayan ugmang adlawa si Police Director General Oscar Albayalde aron sa pagtambong sa selebrasyon sa Police Regional Office 12 sa 117th Police Service Anniversary.
Sumala kang Police Superintendent Aldrin Gonzales, tigpamaba sa PRO 12 nga dungan sa maong selebrasyon ang pagahimuon nga turn over of command kung asa hulipan na isip Regional Director sa PRO 12 si Police Chief Superintendent Marcelo Morales.
Pagpaklaro ni Supt. Gonzales nga normal lang alang sa mga opisyal sa kapulisan ang ma-assign sa bisan asang lugar sa nasud. Apan dili matud pa pasabot nga wala sila naka-perform ug sakto rason nga gibalhin. Gumikan kasagaran ginabalhin ang usa ka opisyal tungod sa maayong performance.
Basi matud pa sa order gikan sa national headqaurters, mu-assume isip Regional Director sa Police Regional Office 11 si Chief Superintendent Morales kung asa mas dako ang area of responsibility niini.
Dugang pamahayag ni Supt. Gonzales nga ilahang gikasubo ang dali lang nagpalingkod ni chief superintendent morales sa rehiyon nga mukabat lang sa walo ka bulankung asa ilaha kining gikonsidera nga usa ka maayong lider.
Apan ilahang gikalipay nga mas magamit niini ang iyahang kahanas isip opisyal sa bag-ong lugar kung asa kini ma-assign. Gani dili matud pa nila kini mapugngan gumikan gikan sa kampo Crame ang maong mando.
Nagdumili man usab nga ibutyag ni Supt. Gonzales ang pangalan sa bag-ong mulingkod isip Regional Director sa rehiyon gumikan sa posibleng mga kabag-uhan bisan pa man nga migawas na ang pangalan ni Police Chief Supt. Eliseo Rasco.
