BACOLOD CITY – Indi magnubo sa lima ka mga balay ang nahalitan sa nagluntad nga sunog pasado las 9 sini gid lamang nga aga sa Purok Masagana 99, Brgy. 6, Bacolod City.
Suno kay Bacolod Bureau of Fire Protection Chief, Publio ‘Boboy’ Ploteña nga ang mga nagkalasunog ang balay ang human sa light materials kag madasig nga naglaton sa kaingod bangud isa ka squatters area ang ginluntaran sang sunog.
Sa karon ginahibalo pa kon kay sin-o balay naghalin ang sunog, apang base sa interview sang DYHB sa pila sa mga nasunugan, ini ang naghalin sa isa ka tiyangge nga may yara sang computer shop.
Angut sini, madasig lang nga napalong ang kalayo bangud full force ang mga fire brigade sa ciudad wala labot sa BFP, nag-respond man ang Amity kag ang Bacolod Chinese Chamber Fire Brigade./DYHB NEWSROOM
