Lima ka frontliners nga staff sa Zamboanga del Sur Medical Center nagpositibo sa rapid test

41

Pagadian City – Nagpostibo sa rapid test ang lima ka frontliners nga staff sa Zamboanga del Sur Medical Center nga maoy nag-atiman sa mga pasyente sa Covid-19 nga na-admit sa isolation facility.
Kini ang gisugid ni Zamboanga del Sur Medical Center Chief of Hospital Dr. Natz Cagampang sa eksklusibo nga interview sa programang Straight to the Point.
Sumala ni Dr. Cagampang sa kapin 600 ka empleyado sa maong balay tambalanan 250 lamang niini ang napailalom sa rapid sibo sa testing kit nga gihatag ni Senasor Migz Zubiri.
Sa 250 nga prayoridad sa rapid test, lima kanila ang nagpositibo ug naa karon gipundo sa isolation facility covid area.
Hinoon sumala ni Cagampang, asymptomatic o walay gibati nga bisan unsang sintomas ang mga frontliners nga nagpositibo.
Gikuhaan na og swab test ang mga nahisgutang frontliners alang sa pagsuta apan padayon pa nga gipaabot ang resulta.
(Photo credit to the owner)

Facebook Comments