GENERAL SANTOS CITY – Lima ka mga kaso ang gipasang-at sa hubog nga lalaki nga nanumbag og pulis dihang gisita tungod sa pagpanigarilyo.
Gipasaka ngadto sa lokal nga piskalya sa General Santos City ang kasong Direct Assault, pagsupak sa Article 151 sa Revised Penal Code, Alarms and Scandal, Grave Threat og Unjust Vexation batok kay Romeo Catubay Cahumnas, legal age, residenti sa Sitio San Vicente, Barangay Lagao.
Sa inisyal nga report sa Police Station 3, nakit-ang nanigarilyo ang suspek sa maong lugar sa mga pulis nga silang si Po1 Asgar Kanda, Po1 Jehar Wata Harid,Po2 John Paul Bobis kansa nagpatuman sa “Oplan Mapayapa”.
Dihang giduol aron sitahon ang nasangpit apan iyang gilabay ang sigarilyo dayon gitamakan.
Tungod nakit-an na sa mga pulis ang gihimo sa suspek ila unta kining pahamtangan ug Citation ticket gumikan sa iyang paglapas sa City Ordinance no. 6 kon pag-dili sa pagpanigarilyo sa pampublikong lugar apan nasuko ang suspek iyang gisumbag silang Po1 Kanda ug Po1 Harid.
Nasayran nga nakaangkon ug samad ang duha ka mga pulis human sa gihimo ni Cahumnas.
