Lima ka mga balay ang inisyal nga nalamon sang kalayo sa bahin sang Odi Morrow Street, Brgy. Zone 2, Koronadal City subong nga hapon. Sa inisyal nga datos sang Bureau of Fire Koronadal ginapanag-iyahan sang pamilya ni Crisanto Cañete, Rody Pama, Rogelio Villaruz, Jenelyn Duplito kag Angeles Peñaranda ang nasunog nga mga balay. Ginkumpirmar man ni Brgy. Zone 2 Kapitan Richard Delfin nga wala gid sang nasalbar nga mga gamit ang mga pamilya nga nasunugan. Himo naman sa light materials ang nasunog nga mga balay rason nga madasig nga nakaon sang kalayo. Pahayag sang opisyal kon wala sang maistaran ang mga nasunugan sarang man ang mga ini suno pa magtinir sa barangay hall compound. May-angot sini, ginsiguro ni Kapitan Delfin ang paghatag sang ayuda sa makaya sang barangay sa mga biktima. Samtang tungod sa limitado ang pondo sang barangay, nagapanawagan si Kapitan Delfin sa mga luyag nga maghatag sang bulig sa mga nasunugan.
