Lima ka mga lalaking dunay kaso, gikiha

16

Davao City – Wala na makasibat sa kamot sa mga otoridad ang tulo ka lalake kinsa nag-atubang og mga kaso sa mga korte sa Regional Trial Court.

Unang gisilbihan sa orden aresto mao si Marino Jayno, 59 anyos, minyo, driver ug nagpuyo sa San Lorenzo Sasa alas-5:00 sa kabuntagon.

Si Jayno dunay nakabinbin nga kasong reckless imprudence resulting to homicide and serious physical injury and damage to property sa sala ni Judge castro sa MTCC sa Mati City Davao Oriental.

Giposasan sab sa mga warrant officers sa Sasa PNP si Ramil Dumayac, negosyante ug residente sa Relocation Panacan.

Si RTC Branch 15 Presiding Mario Duavez nagpagula og warrant of arrest human napalig-on sa prosekusyon ang kasong pagsupak sa SSS Law batok kang Dumayac.

Wala na makaalma ang negosyante sa dihang gipakita sa kapulisan ang mando sa korte nga siya pagasikupon didto mismo sa pinuy-anan alas-6:00 sa kabuntagon.

Malinawon usab mikuyog sa mga otoridad ang usa ka Rommel Roz, 47 anyos, Public Health Inspector, minyo, ug nagpuyo sa Guadalupe Village Lanang ning siyudad pasado alas-7:00 sa buntagon.

Ang akusado gipasakahan og kasong Bigamy nga nakabinbin karon sa sala ni RTC Branch 34 Presiding Judge Dax Zemos sa Panabo City Davao Del Norte.

Naghuwat na lang ang Sasa PNP og commitment order gikan sa mga korte aron madala na sa Davao City Jail ug sa Mati City ang mga akusado alang sa pormal pagtaral sa ilang mga kaso.

RadyoMaN Joel Viray

Facebook Comments