Lima ka mga stalls sa mga pasilidad sang provincial government ang ginpadlock sang South Cotabato Economic Enterprise Management Office matapos nga napaslawan nga makabayad sa rental ang mga nagaakupa sa sulod sang duha ka bulan sa diin isa dire ang sa bahin sang Sports Complex, tig-duha dire ang sa bahin sang South Cotabato Gym kag Protech Center.
Suno kay SCEEMO incharge Marlyn Almaden nagalab-ot sa P200k ang sarang nila nga makolekta sa mga ginpadlakan nga pwesto nga kon indi pa gid mabayran i- auction nila ang mga gamit sa sulod sang pwesto.
Ginpahayag niya nga makapila man nila ka bes nga ginwarningan kag padal-an sang demand letter ang mga occupants, apang wala man nila ginsettle ang balayran.
Subong nga tuig suno kay Almaden nagalab-ot sa P23 million ang ila nga target nga income sa mga economic enterprise sang probinsya amo nga ginadevelop nila ang mga pasilidad kag nagapatuman sang padlocking.
