Lima ka suba sa probinsya sang Iloilo, gin-inspeksyon sang Inter Agency River Assessment Task Force

Gin-inspeksyon sang mga miyembro sang Inter Agency River Assessment Task Force ang lima ka mga suba sa probinsya sang Iloilo.

Suno kay Atty. Bong Cangrejo, hepe sang Provincial Environment and Natural Resources Office (PENRO) , ila na natapos sang nagligad nga semana ang river assessment kag ila gina-finalize ang report agud gilayon masumiter sa Gobernador.

Gin-inspeksyon ang mga suba sang Ulian, Jalaur, Suague, Tigum kag Sibalom river.

Basi sa ila monitoring, ila naobserbahan nga may mga suba sa probinsya nga dapat untaton na ang quarry operations.

(photo from web)