Lima ka sugarol sikop

Davao City – Lima ka mga sugarol ang nadakpan sa kapolisan Sta Ana human sa gilusad nga Anti Illegal Gambling Operation alas 2:30 sa kagabhion didto sa Guerrero St. Brgy.25-C syudad sa Davao.

Sa report sa Sta Ana PNP, nadakpan mao sila Paz Montipolca, 74 anyos usa ka byuda, Ofelia Amuguis, 61 anyos, parehong nagpuyo sa nahisgutang lugar, Ramon Panganiban, 58 anyos, ulitawo ug nagpuyo sa Ponce St. ning dakbayan, Terisita Medina 68 anyos, residente sa Teacher’s Village Matina, ug si Laureno Ronquillo, 65 anyos nga taga Aurora St. Brgy 33-D ning dakbayan.

Matud pa naaktuhan sa kapolisan nga nagdula ug mahjong ang mga suspek hinungdan sa pagkasikop niini.


Narekober sa mga dinakpan ang usa ka set nga mahjong, 400 pesos bet money ug usa ka Video karera machine nga gipanag-iyahan ni Ronquillo.

Ang mga dinakpan balhug na sa kapolisan Sta. Ana ug gihikay na sa otoridad ang kasong kalapasan sa Presidential Decree 1602 batok sa mga suspek nag nagsugal.

Radyoman Don Pulayao



Facebook Comments