Pagadian City – Lima ka suspek nga responsable sa pagtulis sa bodega sa LBC- Pagadian ang gihuptan na karon sa kapulisan. Kini base sa ulahing impormasyon nga gitunol sa Pagadian City Police Station.
Sumala ni Pagadian City Chief Lt. Col. Alvin Saguban, unang nadakpan ang tulo ka suspek didto sa Brgy. Monte Alegre, Aurora, Zamboanga Del Sur ug nasayran ang lokasyon gamit ang tracking device sa Provincial Intelligence Branch sa Zamboanga del Sur Police.
Giila ang mga nadakpan nga sila si Esmael Udtong Dido aka “Esmael Dido Lumabo”, Caringgi Haber Abao ug Sahani Mamo Elid, parehong residente sa Purok Padao, Binuatan, Dinas, Zamboanga Del Sur.
Pipila ka oras ang nakalabay oras nasapon usab ang lain pang suspek nga sila si Nohman Nian Piang ug Jumar Odin Madi didto nasakpan sa Barangay San Pedro ning syudad.
Dugang ni Saguban dunay narekober gikan sa mga suspek nga gamit sa grupo sa ilang illegal nga trabaho.
