Davao City – Arestado sa Joint buy bust operation sa CIDG ug Sasa PNP ang lima ka mga tawo human nag pot session alas 4:30 sa buntag sa North San Juan Jerome Agdao siyudad sa Davao.
Sa esklusibong interview sa DXDC RMN Davao kang Police Major Milgrace Driz ang Team Leader sa CIDG Unit ang mga nadakpan mao sila Christian Jauve Libaton Alapag, 24 anyos, nagpuyo sa North San Juan, Zone 4, Agdao Proper, Mariton Sanchez, 18 anyos, residente sa Santa Maria Dumanlas, Buhangin, Harris Bendulo, 25 anyos nga taga North San Juan, Zone 4, Agdao Proper, Jauvany Agravante, 42 anyos residente sa North San Juan, Zone 4, Agdao Proper, Paul John Nuez, 26 anyos nga taga Brgy. Lapu-Lapu, Agdao Proper, Davao City.
Matud ni Driz nga naaktuhan ang lima ka mga suspek nga nagpot session sa balay ni Christian Jauve Alapag diin narekober ang tulo ka managlahing gidak-on nga paketeng shabu nga adunay estimated street market value nga dul-an P30,000.00.
Nakuha ang usa ka .45 kalibre pistola ug tulo ka bala gikan sa posisyon nila Jauvany Agravante ug Paul John Nuez. Lakip usab nakompiska ang drug paraphernalia. Subay sa monitoring sa CIDG ang lima ka dinakpan nahiapil sa drug watchlist.
Ang lima ka mga dinakpan tingkagol na Sasa Police Station ug mag atubang ug kasong kalapasan R.A 9165 (Comprehensive Dangerous Drugs Act of 2002).
RadyoMan Don Pulayao
