Davao City – Gipasabot sa Department of Social Welfare and Development kun DSWD og nganong dunay waitlisted nga mga seniors sa social pension sunod tuig, 2021.
Subay kini sa mga kaguol sa mga seniors ug sa ilang mga pamilya bahin sa pagkaalanganin nga makadawat og pension sa 2021 ang 91,000 waitlisted senior citizens tungod sa kakulang sa pondo nunot sa pandemya.
Sa pakighinabi sa DXDC RMN Davao kang DSWD USEC Luz Ilagan, giingon niini nga kinahanglan maghulat gumikan ang pondo sa social pension giigo lang gyud subay sa giaprubahan sa kongerso ug Department of Budget and Management.
Sumala ni Ilagan, ang gitawag nga waitlisted mao ang mga nakalista nga mga seniors apan wala nasulod sa final nga listahan busa kinahanglan usa nila maghulat.
“Waitlisted mao na sila tong nakalista nga mga seniors pero wala sila nasulod didto sa final list so maghulat sila. Nganong mag-waiting tungod kay ang pundo, giigo lang gyud sa giaprubahan sa kongreso ug DBM,” segun ni Ilagan.
RadyoMaN Renz Barbarona
