Ginahingyo sang isa ka pari sang Romano Katoliko ang mga pamatan-on ukon ang mga mahilig sa social media nga limitahan ang paggamit sini bilang kabahin sang sakripisyo subong nga panahon sang Kwaresma.
Suno kay Rev. Fr. Conegundo Garganta, executive secretary sang Catholic Bishops’ Conference of the Philippines – Episcopal Commission on Youth (CBCP-ECY) , madamo sang kaayuhan nga madulot ang social media apang dapat makahibalo ang mga pamatan-on kon paano limitahan ang ila oras ilabi na sa mga bagay nga indi importante kag maka-usik sa tyempo.
Sa baylo, ginahingyo ni Garganta ang mga pamatan-on nga magpost sang mga litrato nga may kaangtanan sa Kuwarsema,mga spiritual readings ukon magbasa kag magtan-aw sang mga reflections online.
(photo from web)
