GENERAL SANTOS CITY- Malipayon ang mga opisyal sa Civil Security Unit kun CSU tungod sa usa nila ka sakop nga nakakita og salapi sa Investment Center niadtong adlawng Miyerkules.
Giila kini nga si Maricel Martinez nga nakaangkon ug daghang pagdayig. Matud kang CSU deputy Rudy Buot nga sa gihimo ni Maricel nagpamatuod nga aduna gayuy mga matinud-anon nga tawo sa LGU-GenSan ug wala magpahaylo sa tentasyon bisan kon tuod naglisod usab ang iyang sakop.
Si Maricel Martinez nga nakakita sa pouch nga may sulod nga cash nga P12,000 nga gipanag-iyahan ni Nene Cloma nga taga Barangay North, nga segun niini nga wala gayud siya nagpadala sa tentasyon bisan kon nagkinahanglan pa og kwarta.
Butyag ni Maricel nga human niya makita ang pouch, gidala niya sa ilang buhatan aron matala ug gi-turn over sa Human Resource.
Nauli usab dayun ang kwarta pinaagi sa Human Resource alas 3 sa hapon nga gisaksihan sa labaw sa maong buhatan nga si Leah Tolimao.
Malipayon ba ka sa maong balita bestfriend?
For more info’s and updates, like and share our official facebook account www.facebook.com/ifm91.9Gensanofficial/
