Davao City- Magsugod na karong adlawa Nobyembre 15, 2021 ang limited face-to-face classes sa entero nasud.
Sa interbyu sa DXD RMN Davao kang Department of Education (DepEd-XI) spokesperson Jenielito Atillo, ciento por ciento na nga andam ang walo ka mga tulunghaan sa Davao Region, 3 sa Davao del Sur ang Clib Primary School Hagonoy, Nodilla Elem. School ug Tacub Elementary School sa Kiblawan samtang 5 sa Davao de Oro ang Bares Elementary School sa New Bataan, Parasan Integrated School sa Pantukan, Lower Panansalan ES, Maugat Elementary School ug Digaynon Integrated School sa Compostel, Davao de Oro.
Sumala ni Atillo, hugot nga tumanon ang limitadong ihap sa mga estudyanteng magklase sa face to face gikan sa Kindergarten, Grades 1,2 ug 3 ug Senior High School Technical-Vocational-Livelihood track (SHS-TVL).
Gibutyag ni Atillo, fully vaccinated ang tanang mga personaheng kabahin sa limited face to face classes.
Gipakusgan sa DepEd ang koordinasyon sa mga Local Government Units (LGUs), Barangays, peace keeping forces ug sa mga ginikanan tungod kay ang walo ka mga eskwelahan anaa sa kabukiran nga walay natalang kaso sa COVID-19.
RadyoMaN Aimee Guinita
