Manila, Philippines – Isinumite na ni Senador Koko Pimentel ang listahan ng mga posibleng makasama sa senatorial line up ng PDP-Laban kay Pangulong Rodrigo Duterte.
Ayon kay Pimentel na pangulo ng partido, si Duterte ang siyang mag-aapruba kung sino ang magiging opisyal na kandidato.
Kasama sa listahan sina Pimentel, Davao City Mayor Sara Duterte, Deputy Speaker Pia Cayetano, Special Assistant to the President Bong Go, Secretary Francis Tolentino, Robin Padilla, Lito Lapid, Freddie Aguilar, mga broadcast journalist na sina Jiggy Manicad at Mon Tulfo, Karlo Alexei Nograles, dating PNP Chief Ronald ‘Bato’ Dela Rosa, Presidential Spokesman Harry Roque at iba pa.
Kasama rin sa mga posibleng maging kandidato ang mga re-electionist senators na sina Cynthia Villar, Sonny Angara, JV Ejercito, Grace Poe at Nancy Binay kung saan hindi naman kasama sa listahan si Presidential Communications Assistant Secretary Mocha Uson.
