Lineman, patay matapos nga nakuryenti.

12
Scratched red oval stamp with the words - the police - illustration

Patay ang isa ka lineman, matapos nga nakuryenti pasado alas 11 sang aga sang Oktubre 10, 2020 sa Purok 4, Brgy. San Vicente, Banga, South Cotabato.
Ginkilala ang biktima kay Jervin Britaña Perez, 26 – years old, single, lineman sang PLDT Telecommunication Company kag residente sang Sitio San Roque, Brgy. Centrala, Surallah, South Cotabato.
Natabo ang insidente samtang nagahimo sang iya nga trabaho bilang field lineman ang biktima upod ang iya tatay nga si Jerry Pamiñano Perez nga lineman man sang PLDT.
Sa imbestigasyon sang Banga MPS ginakaptan suno pa sang tatay sini ang hagdan nga nakasandig sa kilid nga bahin sang concrete electrical pole kag sang kuhaon kuntani sang biktima ang safety belt sa ibabaw nga parte sang hagdan aksidente sini nga natandog ang live electric transmission and distribution lines nga nangin rason sang pagkakuryenti sang biktima nga naangkon sang malala nga injuries sa mga nagkalain-lain nga parte sang iya nga lawas.
Gindala naman sa ospital ang biktima sa banwa sang Surallah, apang gindeklarar ini nga dead on arrival sang attending Physician alas 11:30 sang aga sa amo nga adlaw.

Facebook Comments