Davao City- Nigula sa assessment sa Mine and Geosciences Bureau (MGB) 11 nga ang hinungdan sa landslide sa Barangay Masara, Maco, Davao de Oro nga nikutlo’g daghang mga kinabuhi ug mga nangaol mao ang sagunson nga pag-ulan ug serye sa mga linog.
Gibutyag ni Capter John Tubo, Senior Supervising Geologist sa MGB Davao, huyang ug delikado na gyod ang maong lugar sa musunod pang mga landslide.
Subli nilang girekomendar ang entero Barangay nga no habitation susama niadtong 2018.
Dakong hagit alang kanila ang pagpangita og luwas nga lugar para mahimong kabalhinan sa mga apektadong residente busa hangtod karon nagpadayon pa ang ilahang pagtuon.
Giklaro ni Tubo, igo lang sila makahatag og rekomendasyon apan ang LGU na mismo ang mudeklara sa usa ka area nga no build zone pinaagi sa pagpanday og ordinansa pasabot dili gayod kini luwas nga kapuy-an tungod sa dako kaayong risgo nga maglandslide.
RadyoMaN Aimee Guinita
Facebook Comments
