Davao City – Andam ipatuman sa Barangay 30-C Poblacion District ang gipagawas nga Executive Order sa syudad nagmando alang sa reimposition sa 24-hour liquor ban panahon sa pandemic.
Sumala ni Barangay Captain Fidelo Almirante, gihatagan og gahum ang Barangay Council nga mo-implimentar pananglit sa ‘One-Strike Rule’ diin kadtong tindahan nga mag-violate sa nasangpit nga ban, pasirad-an gayud ug kasohan subay sa mando.
Matud ni Almirante, ang mga Purok Leaders maoy tahasan niya nga mag-monitor aron hingpit ipatuman ang maong regulasyon batok sa mga malapasong negosyante.
“Trabaho man gyud na…Once nga naay mga Executive Order diin kinahanglang ipatuman, ipatuman gyud nako. Sa side sa Barangay ilabi na sa Council, imo gyud nang ipatuman kay mao may order,” matud ni Almirante.
RadyoMaN Bernard Pantallon
