Sa interbyu sa DXDC RMN Davao kang Police Col. Alberto Lupaz, City Director sa Davao City Police Office (DCPO) subay kini sa mando ni incoming Davao City Mayor Sebastian “Baste” Duterte.
Sa City Ordinance 004-13 series of 2013 o Liquor Ban Ordinance of Davao City, gidili ang pag-consume og mga ilimnon sa pampublikong lugar gikan alas 1:00 sa kadlawon hangtud alas 8:00 sa buntag.
Gimanduan ni Lupaz, ang tanang station commanders nga hugtan ang pagmonitor ug pagbantay sa mga bars, resto-bars ug tanang mga establisyementong nagbaligya’g mga ilimnon.
Kahinumduman niadtong May 25, 2022 sa usa ka bar sa Ecoland, niulbo ang kasamok batok sa grupo sa customers ug mga empleyado.
Sa imbestigasyon sa Ecoland PNP, lango na sa bino ang mga gireklamo ug nagkabangi ang
matag kampo human mibalibad og bayad sa multa nga 1,000 pesos as per establishment rule human misuka ang usa sulod sa maong establisemento.
Nagpahimangno si Lupaz sa mga bar owners nga mutuman sa ordinansa aron dili kini mag-atubang og silot.
“Ini-inform natin ang ating mga bar owners to abide by the rules para hindi sila magka-problema, talagang icha-charge namin sila sa sobriety ordinance natin and some other violations natin kung sakaling hindi sila susunod…. Kasi ang reason diyan bakit inimplement yan according to our incoming mayor kasi marami ng nag-aabuso pinagbigyan na nga sila pero nag-aaway na sila diyan sa mga bars and they already go beyond the wee hours,” matud ni Lupaz.
RadyoMaN Aimee Guinita
