Naghulat pa sa direktiba gikan sa nasudnong buhatan ang Philippine Drug Enforcement Agency (PDEA) Caraga adesir nila ipublikar ang pangalan sa mga opisyal sa barangay ning rehiyon nga nalambigit sa gidiling droga.
Gipasabot ni Dindo Abellanosa, spokesman sa PDEA Caraga nga gihulat nila karon ang “go signal” gikan kang PDEA Dir. General Aaron Aquino aron ipahibalo sa mga katawhan kung kinsa ang mga opisyal sa barangay nga anaa sa narco list.
Madumduman nga gikompirma ni Dir. General Aquino nga nga sulod sa 9,000 nga narcolist ni Pang. Rodrigo Duterte kapin sa 280 lang niini ang opisyal sa barangay sa tibook nasud ang nalambigit sa droga.
Sa maong ihap 143 niini ang mga barangay Kapitan ug 146 niini ang mga barangay Kagawad apan dili pa ikabutyag sa PDEA Caraga kung pila niini ang ihap dinhi sa rehiyon.
Sent from my Samsung Galaxy smartphone.
