Gidepensa sa Provincial Agriculture’s Office Bukidnon ang listahan sa mga nakapahimulos sa livelihood program sa lalawigan nga abono ug binhi. Una nang gireklamo sa pipila tungod sa alegasyon matud pa nga nakadawat ang mga dili angayan. Sa interview RMN Malaybalay ngadto kang Provincial Agriculturist Alson Quimba, gibutyag niini nga aduna silay listahan sa mga mag-uuma sa probinsya kaniadtong 2017 pa. Hinoon, gibutyag niini nga padayon pa gihapon ang ilang pag-update ug pag evaluate sa ilang listahan kung ang nakalista tinood ba nga mga mag-uuma ug adunay gitikad nga uma nga mais, wala ba kini nagbalhin ug laing dapit, buhi pa ba kini ug nakasulod ba sa ilang criteria kon basehanan. Gipasabot niini nga sa nakalabay nga tuig nagpahigayon ug evaluation ang ilang mga technician sa Bukidnon. Aduna matud pa kini questionnaire nga nakasukip ang mga pangutana kalabot sa ilang klase sa gipangtanom. Gilista usab nila kung pila ka ektarya ang ilang gitikad ug unsa nga klase sa mga tanom. Paghuman niini gipailawom usab ni sa validation ang gitubag sa mga mag-uuma.
