Dead on arrival sa ospital ang driver sang motorsiklo sa nagluntad nga vehicular accident sa National Highway partikular na sa Banga Bridge, Barangay Reyes, Banga, South Cotabato alas 7:40 kagab-i, Disyembre 17, 2020.
Imbolbado nga salakyan sa nasambit nga insidente amo ang isa ka unit sang Toyota Hilux may Plate# P4I 655 ginamaneho ni Stephen Joe Menor Tan, 36 –anyos, may-asawa kag private employee, lag residente sang Purok 7-B, Jacinto Boulevard, Barangay 31-D, Davao City kag isa ka Yamaha STX 125 ginamaneho ni Cesar Galzote Dangallo, 46 –anyos, may-asawa kag residente sang Barangay Lamba, Banga, South Cotabato nga ginbawian sang kabuhi.
Sa inisyal nga imbestigasyon sang Banga MPS ang Toyota hilux ang padulong sa Koronadal City, samtang ang motorsiklo ang yara sa opposite direction, apang pag-abot sa nasambit nga lugar ang hilux ang nagpadulong sa opposite lane rason nga aksidente sini nga nabungguan ang motorsiklo.
May-angot sini, ang driver sang motorsiklo nakaangkon sang seryoso nga pilas sa mga nagakalain-lain nga parte sang iya nga lawas.
Gindala pa sa South Cotabato Provincial Hospital ang biktima, apang gindeklarar nga dead on arrival sang attending physician.
Sa subong ang mga imbolbado nga salakyan ang yara sa kustodiya sang Banga MPS lakip na ang driver sang Toyota hilux.
*photo by: Anton Franz Estrella-Perania Santander <www.facebook.com/anton.franzz.santander?__cft__%5b0%5d=AZWxXLQvnU-bhR-ayAVUo6iNeOpJu-X_fHnkk7Ak1RKNpVkKYdoQ7pXRdof4fajIKSgOSE29rco3EEGBmSoKDZ0PXL4tvW_paD4ca_SBxJLCVf12OGm9qEm654dvJVziJXM&__tn__=-UC…>*
