Isa patay kag isa pilason, matapos nga nahit and run sa Purok Mabini, Brgy. Dajay, Surallah, South Cotabato, alas 9:00 kagab-i, Hunyo 27, 2021.
Ginkilala ang nabawian sang kabuhi kay Jan Jean Espina Teraña, asawa sang driver sang motorsiklo nga si Jay-ar Cabaya Teraña, laborer kag residente sang Purok 2, Brgy. Duengas, Surallah.
Sa imbestigasyon sang Surallah MPS, sakay ang mag-asawa sa Honda TMX 125 padulong sa Brgy Duengas, Surallah, South Cotabato kag pag-abot sa nasambit nga lugar aksidente sila nga nahit and run sang isa ka salakyan nga may plate number LDP 5547 nga nabilin sa likod nga parte sang motorsiklko.
Resulta nakaangkon sang pilas sa tuo nga tiil kag mga nagkalain-lain nga parte sang iya nga lawas ang driver sang motorsiklo, samtang ang asawa sini ang nakaangkon sang seryoso nga pilas nga gindala sa ospital, apang gindeklarar nga dead on arrival sang attending physician.
Sa subong nagapadayon ang imbestigasyon sang Surallah MPS sa salakyan nga nakahit and run sa mga biktima.
