Report ni Jennifer Palomo Debaja
Kabalaka kg kahangawa ang ginabatyag subong sang pamilya ni Shella Pasagde , 33 anyos may bana kg kabataan kg tumandok sang Brgy. Alimono Passi City matapos malapit na 2 ka bulan nga wala ini naka kuntak sa ila.
Base sa record sang Assistance To National or ATN Section sa Phil.Consulate HK, ginrelease siya sang Sept.18 kg sa pag inakop na ini sang HK immigration samtang ginahulat nalang ang iya flight pauli sa Iloilo.
Base sa panaysayon sang amiga nga si Rhoda, 3 ka bulan palang nga naga ubra si Shella sa iya amo nga tag iya sang isa ka employment agency sa Tsuenwan . Pila na ini ka beses nag palab ut sang kahangawa sa gina pa ubra sang iya amo nga 2 ka beses kada semana ginapasugat sang mga aplikante sini halin sa manila nga isa ka paglapas sa employment contract sa HK.
Nahibaluan nga naaktuhan si Shella nga naga batun sang mga dokumento halin sa bag o nag abot nga mga aplikante sang amo sa Hong Kong International Airport halin sa manila rason nga gin priso kg gin kumpiskar ang iya cellphone .
Sa chat messages sang bana ni Shella, may nagpanugid kuno sa iya nga si Vilma nga gindeport na si Shella sang Martes apang wala pa asta subong nakapauli sa ila balay. Naga pangabay ini kay Shella nga kon mahimu mag pakig estorya sa ila kon yari na gid man sa Iloilo.
Agosto 22 pa ang katapusan nga kuntak ni Shella sa iya pamilya rason nga naga pangayu gid sila sang bulig paagi sa RMN Iloilo agud mahibaluan ang tuod nga kahimtangan sini.
Wala man sang pat ud nga impormasyon halin sa iya agency sa manila nga GERDIN INTERNTIONAL MAN POWER sa ERMITA MANILA .
