Ipatigayon subong nga adlaw ang mock election sa duha ka mga polling precinct sa banwa sang Surallah, matapos nga isa sa naidentify sang Commission on Elections sa patigayunan sang nasambit nga tikang bilang preparasyon sa natalana nga midterm election sa Mayo 13 subong nga tuig.
May-angot sini, suno kay Surallah Comelec Officer Emily Tedera, handa na ang tanan nga magaumpisa ang aktwal nga botohay alas 6:00 subong nga aga tubtob alas 12:00 sang udto.
Yara lang sa duha ka gatos nga mga botante ang magapartisipar sa nasambit nga mock election sa duha ka mga polling centers sa banwa kag indi matuod nga pangalan sang mga kandidato ang nakasulat sa balota nga gamiton.
Ipagamit sa mga botante ang Voters Counting machine ukon VCM.
Katuyuan suno pa sang mock election nga matestingan ang VCM, seguridad, accuracy kag kapasidad sini subong man ang registration ukon transmission sang mga boto kag consilidation.
Magadugay lamang sang 10 minutos ang nasambit nga eleksyon.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
