*KATAWHAN WALAY ANGAYANG KABALAK-AN HUMAN GITAPOS ANG MARTIAL LAW SA MINDANAO*
*General Santos City— Ipadayon sa militar ang ilahang operasyon batok sa unsa mang local terrorist group nga nagalihukan sa ilahang mga area of responsibility.*
*Sumala kang Lt. Gen Cirilito Sobejana, Commander sa Western Mindanao Command nga bisan ug hingpit ng natapos ang martial law sa Mindanao, nagpabilin gihapon ang naunang direktiba sa presidente nga magpadayon ang operasyon ug paggukod sa mga kalban sa gobyerno pinaagi sa state of lawlessness.*
*Pag-angkon niya nga makunhuran gyud ang checkpoint operation sa militar apan dili kini pasabot sa paghuyang sa ilahang pwersa ug magpabilin gihapon ang hugot nilang pagbantay sa siguridad.*
*Dugang pamahayag ni Lt. Gen. Sobejana nga sa pagsulod sa tuig 2020, lauman ang mas daghan nilang operasyon batok sa mga terorista.*
*Iyaha usab gipaniguro nga mas muubos ug makunhuran gyud ang bahad sa siguridad ug kini maangkon matud pa pinaagi sa pagtinabangay sa tanan.*
*Pagpaklaro niya nga ang pagbantay sa siguridad ang dili lang tabaho ug responsibilidad sa kapulisan ug militar kundili lakip na sa mga sibilyan.*
