General Santos City–Desidido nga mopasaka ug kaso si alyas mary jane sa kanhi niining ka live-in partner nga ginganlan ug Rolando kansa maoy mitigbas sa iya usab nga kapuyo nga si Jhonrey Juares,hingkod ang pangidaron, residente sa prk.wal tambler pasado alas 3:00 sa sa buntag niadtong adlaw’ng Sabado.
Kahibaloan nga una nang gibutyag ni mary jane dihang nahinabi sa RMN News Team nga samtang gasakay sila ug motorsiklo aron mupauli na sa ilang panimalay kalit matud pa silang gibabagan sa trisikel sa kanhi niining kapuyo ug natumba ang motorsiklo ug didto na gitigbas ang biktima sa makadgahang higayon gamit ang sundang nga miresulta sa pagkaigo niini sa nagkandaiyang parte sa iyang kalawasan.
Sumala pa sa nasampit nga dili makadawat ang suspek nga duna na siyay bag-ong kapuyo hinungdan nga nahitabo ang pagpanigbas niini sa biktima ug sumala pa niini nga iya matud pang kanhing kapuyo nga mao usab ang suspek ang unang nagbinuang kaniya niadtong nagtarabaho pa siya sa laing nasod.
Sa kasamtangan padayon nga nagpaalim sulod sa balay tambalanan ang biktima. (Reynald Timario)
(Photo is for Illustration only)
