Gin-athag ni Ronie Yucado, ang live-in partner sang gina-alegar naghikog nga taga-guimaras sa Saudi nga si Gerlie, matapos ginatudlo suspek sa amu nga hitabo.
Paathag sini, naglakat siya sang adlaw sang naghikog ang iya partner agud magpangita kun tani sang sud-an apang nagapangakig na ini kag nagadali nga papuli-on siya sa wala niya mahibaluan nga rason.
Ginsling sini nga sa iya pagbalik sa ila balay nga ila gina-istaran, sirado ang pwertahan sang kwarto nila kag iya pa ini nga gin-istorya apang wala nagasabat.
Suno sa iya, masami nga nagahukmong kag nagapanirado ang iya partner sa tion nga akig ini kag kon may gina-selosan rason nga wala niya na man lang ginsapak kag ginpakamaayo pa niya nga magtulog-tulog na lang hasta matawhayan ang konflicto.
Wala gid nagdahum si ronie nga naghikog na gali ang iya partner kag patay na sang iya ini gina-istorya.
Nahibaluan nga may duha ka- bata sanday ronie kag gerlie kag lunsay kasado man sa tagsa nila ka-mga asawa diri sa Pilipinas. (webphoto)
