Gikatakda na alisdan o pulihan kuman na semana an hepe sa kapulisan nan lungsod nan Placer, Surigao del Norte (SDN).Ini an tagbutyag ni Sr.Supt. Anthony Maghari, an PNP Provincial Director sa SDN. Sumaya pa ni Maghari na an pag-ilis kan Chief Inspector Manolito Parazo an dili mahitungod sa insidente nan pagpandagit nan New People’s Army sa duha ka pulis sa Bad-as, Placer, nan jadton miaging adlaw,kon dili, tungod sa duha ka-tuig na ini sa pagserbisyo isip hepe sa Placer Municipal Police Station sanan sa waya pa mahitabo an pagdagit sa duha ka polis daan na may order na pulihan an mga hepe sa munisipyo na milapas na sa ila serbisyo labina kay duha ra gajud ka tuig sila magserbisyo isip hepe sa isa ka lugar. Sumaya pa na si Parazo kasamtangan anay i-assign balik sa SDN Provincial Police Office human himuon an isa ka turn over ceremony sa mopuli sa ija. Waya pasab panganli ni Maghari kon sin-o an mahimong ipuli kan Parazo. (RadyoMaN Jojo Ferol)
