ILOILO – Nakahanda si League of Municipalities of the Philippines ukon LMP Iloilo chapter president kag Ajuy mayor Jett Rojas nga magbulig sa hingyo sang Iloilo Provincial Police Office sa mga local government unit nga magabakal sang body camera agud gamiton sang police sa anti-drug operation.
Ginpabutyag ni Rojas nga kon pahanugutan sang Commission on Audit ang hingyo sang kapulisan, magapa-in ang ila banwa sang pundo.
Magluwas pa ini sa budget para sa peace and order nga ginahatag sa police.
Una diri, ginpahayag ni IPPO Provincial Director PSSUPT Marlon Tayaba nga ginahingyo nila sa local government unit ang paghatag sang body camera sa kapulisan agud gamiton sa anti-drug operation bangud sa kakulang sang ila pundo.
Ini agud masiguro nga mangin lehitimo kag wala sang anuman nga paglapas nga pagahimuon ang mga pulis sa anti-drugs operation.
