Zamboanga del Norte – Nadakpan sa mga police personnel sa intelligence operatives sa Dipolog PNP ang usa ka wanted person nga nag-atubang sa kasong attempted homicide human kini magtago-tago sulod sa usa ka bulan ug nasakpan sa Brgy. Diwan.
Ang dinakpan naila nga mao si Junel Sumogat alyas Nonon, 27 anyos, minyo, nga taga Cayasan, Barangay Diwan.
Nasayran mga alas 2:30 sa hapon kagahapon nadawat sa kapolisan ang report gikan sa Eye of the Barangay kon (BIN) nga sumala pa nasigpatan kining suspek.
Gilayon sila’ng naglusad ug manhunt operation dala ang arrest warrant nga gi-isyu sa sala ni Hon. Chad Martin Paller ang Presiding Judge Municipal Trial Courts in Cities (MTCC-9) branch 1 Bulwangan ng Katarungan ning dakbayan pinetsahan Nobembre 9 ning tuiga ug malampsuon kining nadakpan.
Sa kasamtangan si alyas Nonon gipriso sa Dipolog PNP ug makabaton sa temporaryong kagawasan kon makapiyansa sa 12mil ka pesos nga girekomendar sa korte.
