TACLOBAN CITY – May kontrata na an Ayala-led Manila Water Company Inc. kumo private sector partner han Leyte Metropolitan Water District ha pag develop han water supply system ha probinsya han Leyte.
An Manila water in nakakarawat hin Notice of award tikang ha LMWD dida han myerkules.
Nakabutang ha kontrata nga an implementasyon han joint venture project in para ha design, konstraksyon, rehabilitasyon, pag mintenar, operasyon, pag finance, pagpahalawig, ngan an pangunguna ha water supply ngan sanitation facilities.
Lakip ha kontrata an Special Purpose Vehicle o SPV nga mag iimplementar ha proyekto ha ilarom han contractual joint venture kaupod han LMWD.
An SPV in may katungod ha pamumuno, pag operate, mentinar, pag ayad, pagbag-o ngan paupayon, ngan mapahalawig an mga pasilidad han LMWD ha mga services area. Ngan sugad man ha katungod ha pagkolekta hin tariff agud masuportahan an water supply ngan an sanitation service.
An LMWD in nag seserbisyo ha syudad han Tacloban ngan 7 pa nga municipalidad han Leyte sugad han Palo, Dagami, Tolosa, Pastrana, Tabon-tabon , Santa fe.
