Na prinsipyo del deliberasyon, el Congresista Celso Lobregat durante el diila regular session na Kamara ya interpola con el Lanao Del Norte Congressman Khalid Dimaporo, cuando ya rendi este el su privilege speech aserca el BBL ayer.
Ya hace claro desdel primero pa el Congresista Lobregat que hay continua ele esta vigilante y pijo na su poder y posisyon aserca el BBL
“I am for peace, I am not anti-peace, but we need a Bangsamoro Basic Law that is just, that is fair, that is acceptable, feasible and more importantly, it should not be contrary to the Constitution and existing laws,” asegun con Lobregat.
Na su interpolasyon ayer, si Lobregat ya expresa el su intention por el paz aqui na Mindanao y ya reitira tambien el su suporta por el hasta cuando y pijo esfuerzo de paz del govierno nacional, y como un Mindanaoan, ele ta aspira que hay termina ya el guerra aqui na Mindanao que ta alarga por cuantos dekada.
Si Lobregat ya hace acorda cay desde antes como alcalde pa ele, el govierno local junto con el Provincial Government del North Cotabato y el City Government del Iligan ya encaveza el oposisyon por el profuesto Memorandum of Agreement on Ancestral Domain (MOA-AD) na Korte Suprema.
El nuevo BBL que el Bangsamoro Transition Commission (BTC) ya sumite con el Presidente Duterte, ta contene syempre el semejante mga questionable provision asegun con Lobregat.
Asegun con Lobregat, egual como del maga pasao congreso, ele hay esta active na participaccion del deliberasyon na Kamara aserca el nuevo version del BBL por el interes de la Ciudad de Zamboanga. – *Bhong Simbajon/RMN News*
